Fernando Romay (nacido na Coruña en 1959) é un ex xogador de baloncesto español cunha altura de 2,13 m. Coa selección española conseguiu a medalla de prata olímpica en Baloncesto nos Xogos Olímpicos de Os Ánxeles 1984. Participou tamén nos Xogos Olímpicos de Moscova 1980, en tres Mundobasket e catro Eurobasket. En España xogou no Real Madrid desde 1976 ata 1993. O 8 de xuño de 1996 converteuse no primeiro deportista español de elite capaz de acadar dous títulos de Liga en dúas disciplinas diferentes de equipo: o baloncesto e o fútbol americano. Foi xerente da Fundación Deporte Novo do Consello Superior de Deportes e actualmente dirixe a Fundación de Cultura e Deporte de Castela-A Mancha. Nos últimos tempos colaborou en diferentes programas de televisión e apoia diferentes organizacións non-gubernamentais. En 1993 presenta o programa Noite, noite de Antena 3. É comentarista de baloncesto en TVE.

Fernando Romay foi elixido Socio de Honra de AGAXEDE o 29 de marzo de 2008.