IV Congreso Internacional de Ciencias do Deporte e a Educación Física de Pontevedra

O Concello de Pontevedra, o Vicerreitorado do Campus de Pontevedra da Universidade de Vigo, o Departamento de Didácticas Específicas da Universidade da Coruña e Sportis - Formación Deportiva, organizan o IV Congreso Internacional de Ciencias do Deporte e a Educación Física -  VIII Seminario Nacional de Nutrición, Medicamento e Rendemento, para os próximos días 10, 11 e 12 de maio do 2012 en Pontevedra. E conta co apoio de numerosas institucións

Está dirixido aos investigadores, docentes e universitarios das Ciencias do Deporte.

O pasado ano participaron máis de 400 profesionais das Ciencias do Deporte e a Educación Física, contando con 200 traballos de investigación presentados en formato comunicación e póster.

Todos os participantes poden presentar os seus traballos de investigación en formato póster, comunicación ou póster virtual (modalidade creada o pasado ano neste congreso). O prazo para o envío dos mesmos finaliza o próximo día 3 de abril. Todos os traballos aceptados publicaranse nun CD de actas que se distribuirá posteriormente por todo o mundo a través da Editorial ALTORENDIMIENTO. Ademais existen premios económicos aos mellores traballos e os 10 mellores poderán ser publicados na Revista RETOS.

Do mesmo xeito que o pasado ano o congreso pode realizarse de forma presencial ou na modalidade a distancia. A organización dispón dunha gran oferta de aloxamento, sendo o máis económico de 6 euros/noite (Residencia Príncipe Felipe da Deputación de Pontevedra).

Máis información do evento en www.congresodeporte.com
  

Baixar triptico en PDF aquí.