|
O Alcalde de Oleiros acompañounos no noso singular Fin de Ano.
O 19 de decembro celebrouse na nosa sede o Seminario organizado para analizar e debater o proxecto de Lei galega do Deporte e a última Xunta Directiva de 2011. Finalizada a xunta, os socios e demais invitados que se achegaron pola sede, degustaron un MERKUN, delicioso viño procedente da zona portuguesa de Tràs-os-Montes, agasallo de Chimi, amigo e colaborador de AGAXEDE e que se acompañou dun «pata negra», xamón dun padal exquisito, obsequio doutro bo amigo como é Fernando Souto que preparou «cortou» Niní, membro da xunta directiva.
Aínda que a «Casa do Deporte», edificio cedido polo Concello de Oleiros e rehabilitado por AGAXEDE, non ten amplos salóns, desde as 20 horas até as 23.30 horas do día 19, máis de cincuenta socios e colaboradores de AGAXEDE, entre os que se atopaba o Alcalde de Oleiros, o noso alcalde «Gelo», achegáronse pola sede e brindaron cunha copa de viño polo Novo Ano 2012.
        
|
