|
A Facultade de CC. Empresariais da Mondragon Unibertsitatea e a Escola Vasca do Deporte, ofertarán durante curso académico 2009/10 o Curso Avanzado en Marketing & Management do Surf e deportes de deslizamento. Este título proprio de posgrao é o primeiro curso do ámbito universitario destinado a formar profesionais para a industria do Surf e outros deportes como deslizamento como o esquí, snowboard e skate.
Composto de 9 módulos totalizando 175 horas de formación, ha ser impartido de outubro de 2009 a maio de 2010, no Campus de Bidasoa, Irun. Cobre un amplo espectro de contidos teórico-prácticos, contando coa presenza de expertos internacionais en marketing e profesionais do sector do Surf. Realizaranse visitas a eventos deportivos de primer nivel mundial, a fábricas produtoras de material e centros de innovación e desenvolvemento de produtos. Alén diso, a fin de artellar pontes que faciliten o acceso ao mercado de traballo dos estudantes, eles terán a oportunidade de desenvolver un proxecto final en empresas coligadas ao universo do deslizamento.
O período de inscricións permanecerá aberto até o 10 de xullo de 2009. Os interesados poden facer a súa pre-inscrición cubrindo o seguinte formulario e enviándoo por e-mail a: kiroleskola@ej-gv.es
Máis información sobre o curso aquí.
|
