|
Espero que vos resulte interesante e de utilidade. Por que un blog? Porque creo que é o medio idóneo para establecer unha comunicación máis próxima e informal, máis aberta, sincera e produtiva, quizá, que as circulares e as consultas ás que, aínda que non renunciamos, en ocasións poden non reflectir a realidade que se quere mostrar ou dar a coñecer...
Este blog non pretende ser un de tantos que só falan do autor... Quero que este espazo sexa un lugar de encontro, de intercambio de ideas e opinións, que sirva para que faledes como profesionais ou futuros profesionais do que vos preocupa, do que vos interesa, das dificultades que atopades, das oportunidades que vedes ou que non vedes... Para que entre todos fagamos de AGAXEDE e por extensión da Xestión deportiva en Galicia algo proveitoso e frutífero para todos. Incluídos quen non sodes socios (aínda) pero estades vinculados ou interesados na boa marcha do deporte e dos eventos deportivos na comunidade galega.
Quedo á vosa disposición.
|
